قال اللذي من صوابه غدا سهير العين= كليف نفسن وغيره هاجعن غافي
روحه سقيمة وخله صوبه سهمين=خلاه طرحن عقب ما هوب متعافي
اثر بهجره ودبر نا وين البين=من عقب فرقا الحبيب قرب اتلافي
روح وقلبي لفقده يشتكي جرحين= جرح الزعل والهجر زود بي اكلافي
بليا سبايب تبرر نيته بالشين= ولا عذر صار ينفع يالله الكافي
لولا الملامة وخوفة خالق الثقلين=لاصيح صيحة جويهل فيه خفخافي
لكن ما بي كتمته واجحده لا يبين=واصبر عسى الله يميز الحق بانصافي
يليت داري وداره عن بعض شبرين= ترقبه عيني في كل روحه وميقافي
يسعد منهو ورا سكان ابو رمزين= مرسدس بنزن توسد سيته الضافي
من دار هتلر موديله واحد وتسعين=عن باقيات المواترفارق اوصافي
والحجم نقشن ببديه خمسمية وستين=مركب شيوخن وثيرن دمثن وضافي
منوتك ياللي بحبك تشكي المرين=شرقن ديارك ودار الزين بخلافي
يبو محمد شكينا من سواة الزين= سقاني سم تذحذح مر وزعافي
منهو يوصل علومي غدوة الاثنين= للصاحب اللي سباني حسنه الوافي
اللي كواني بميسم حرق الضلعين= الا طريته فوادي جاه رجافي
قنطار والله لزيده لو طلب ضعفين= يدي كتابي لخلن صده اسرافي
عله يقدر ويعلم علة المسكين= منها الجوارح تردت هش وضعافي
جو المحبة علينا صافين دهرين= واليوم جو المحبة صابه شعافي
عبدالله المهنا النعيمي