ياكي قلبي كي بثر كيه
كن السعاير وسط قلبي تلضى
سنه وخمس اشهور بعد الضحيه
وانا اعاني الويل واجض جضى
طول بي التعذيب صارت قضيه
عانيت ثم عانيت عقلي تفضى
ساره يامشكاي وش الدعيه
وشهو علاج القلب لانرض رضى
اقفيت وكن القلب تنهشه حيه
بين الضلوع الحُدْب كنه يشضى
راسي غزاه الشيب توي صبيه
وهموم في قلبي تكضه كضى
ماعاد احس الوقت شمسه وفيه
من ماجرى لعقلي كنه يخضى
اسهر واراعي الصبح لابان ضيه
وافرح لامن الليل عني تمضى
اجروح في قلبي عميقه خفيه
ماينفع الدكتور بعلاج مرضى
مكتوب لي هالشي غصبٍ عليه
الله يعين القلب كنه يعضى