من شوفة السامر معي خط مشبوك
لاجا على التلفاز ضيع صوابي
لانه شبيه اللي على البال متروك
اللي سكن قلبي وحبه سطابي
جظ القلم مع الورق ومعه(ن) البوك
من كثر مااكتب فيه لاواعذابي
غديت مثل اللي مربط ومزنوك
محكوم بالاعدام لانه ارهابي
ادافع العبرات والصدر متكوك
واخفي عن العالم شري لجابي
ماانساه دام العين ترمش وانا اخوك
دام الجسد ماحط وسط الترابي
ليت يحصل لقياه لو يم كركوك
لو فـ آخر الدنيا وامتع شبابي
ابي لقى مكتوب بكتاب وصكوك
في شرع سيدنا عظيم الجوابي
افرك يد(ن) بيد والحال مفروك
لاعاد لي عرفه قرب ذهابي
الشاعره (انتظار الروقي)