مصافحة اولى اتمنى ان تلاقي استحانكم ,,
بعد كل الغلا وبكل بساطه..جيتي اتقولين=(انا) بودعك لاجل لغيابي تعمل حسابك
تبين تلوعيني بأكثر التلويع؟؟لاتكفين=بعد ماناحت اشواق الحنين وطحت منصابك
انا ماعاد ابرضى في غيابك وانتي اتغيبين=عن عيوني..وطيفك بالحضور اكثر من غيابك
اجيب الصبر عن سلهامت عيونك؟: اجيب منين؟=صبر يقوى فراقك كان طاري لهفتي جابك
اظنك ماجهلتي قلبي المشتاق قبل سنين=تعب يحلم كثير ولا قدر لحظات يهنابك
تقولين الكلام اللي يشتتني ولا تدرين=على قلبي ليامنك رميتي وجهة احرابك
انا جيتك عشان اتعلميني ليه اموتك؟ لين..=تعرفين الغلا ..لامن ذبحني شوق بأسبابك
ترى ماقلت لك هذا الحكي من واقع التخمين=بعد ماكل عرقٍ في حشا مغليك حيابك
يجيك اصدق شعور اليا التقيتك ..عين تحظن عين=وانا منك اشتكيتك واشتكيتيني من اتعابك
يطوفون العواذل بيني وبينك..وبين وبين=ملامحنا..ونظرات اللقا بالشوق تتشابك
تخفين الوله باول حديثك..ليه ماتبدين؟=كلام يحطم قيود الحذر..واتخلي اعتابك
احبك..ايه احبك..ايه احبك..قلت احبك حين=تلاقينا..وقلبي يومها جاك وتغنابك
قدرنا نلتقي..ليه انتفارق مثل كل اثنين؟=قدرنا..تكتبيني واكتبك لوعات واقرابك
قبل تمشين ..خليني على بالك..قبل تمشين=وشوفي ..كيف اذوب؟وكيف اموت؟وكيف بحيابك؟
اذوب بكل لحظه في غيابك وانتي تغيبين=واموت بكل لحظه بانتظاري شوق بغيابك