العين شافت سيدها سيد الاحباب
وادعي لعل العين دايم تشوفه
لكن ماطول ترجل مع الباب
عسى المسره والسعاده تحوفه
راحت ثلاث شهور والقلب منصاب
من غيبته صارت عليه كلوفه
اللي يقول ان الهوى سهل كذاب
كذاب لو انه يكثر حلوفه
الحب تخضع له رجاجيل واشناب
ماانته على كيفك تبيه او تعوفه
الحب جنن قيس ونمر ابو عقاب
اقرا تواريخ المحبين شوفه
اللي بلانا بالهوى رب الارباب
ماقدر المولى علينا نشوفه