ياويل قلبي على المـــــرواح
لوكان ماني بمرتـــــــــــــاحه
ياهيه خلك ترى ماارتــاح
من عقبكم فـــارق الراحـــــه
الفكر يسرح معه مســراح
والقلب زادت به جراحـــــــه
شربي مـرٍ لو هو قـــــراح
ولسد صدري ترى بــــــــاحه
ياضحكته ياسهم ذبــــاح
ياهـي قويـــه وسفاحــــــــه
من شفتها كل ســدي باح
تغـــير الوضــع فالسـاحـــــه
اضحك واخفي الجــراح
واسوي النـــــفس مــرتاحــه
القلب يغلي ويمدي فاح
ياويل قلبـــــي ياذبـــــــاحه
ماأحدٍ جنى من الهوى ارباح
إلا شقــــــا الوقت واتراحـه
ودي معه بالشقـــا وأفــراح
يمــه ترى النفس نزاحــه
اومى بقلبي تعلى وشــــاح
اومـــاي طـيرٍ بملـواحـــــه
في الهوى مااحــدٍ مرتـاح
كلٍ شكى الحب بنيــاحـــه
يازينها جمعـــة الأرواح
روحين في روح بالراحـــــه
والعين من البكى ترتاح
والقلب يسكت عن صياحـــه
وختامها بالعطر فــواح
صبيت مســـكٍ بفواحـــــــه
الشاعره (*إِنْتِظَــــــارْ الرَّوقـــْي*)