مما قرأت لشاعر شامخ الشامخ
فـ اعجبتني حبيت انقلها لكم
مات الغرام .. بمقبـرة ( كـذب دنيـاك )
مدفون .. بيـن اول لقـاك .. وغيابـك
مات الغرام .. ومـات حبـك .. وعـزاك
قلب ٍ .. على عرش الغرام .. احتفى بـك
قلب ٍ .. نثر عطر الوفـاء فـي زوايـاك
حتى طعنته .. وانجرح !! وانتهـى بـك
قلب ٍ .. رغم كذبة غرامك ؟.. بدى هنـاك
يضفي .. على مسرح سموّك .. ثيابـك!
ودام الجفاف .. ابهّت .. مُغلـف هدايـاك
في ربعك الخالي .. وصحـراء سرابـك
خّـل الهدايـا للـريـاح .. وحنـايـاك
اسرج بها .. نار الفصـول .. وعذابـك
يذبل ربيـع احلامنـا.. بأيـدي اشتـاك
ويُنبت خريف آمالنـا .. صيـف بابـك
بأقتل .. تحت شمسي .. طيوفك وذكـراك
وبأنحت .. على صخر القصيـد لجنابـك
أقسى من فراقـك .. قبولـي بشـرواك
و اصعب من قبولي وصالك ... هلا بك!!
يعني .. خلاص ارحل .. عسى الله يرعاك
ودام الفجوج اوسـاع .. خيّـر ركابـك
و لـوّح علـى درب المـوداع بيمنـاك
حتى .. يوادعـك السـراب .. و ترابـك
ارحل .. شطبت اسمك .. ودونّت فرقـاك
واسمي .. تكرّم .. واشطبه من كتابـك.