شكراً لك مراجن على الدعوه الرائعه -اوصف لنا طفولتك(بالتفصيل)؟ انا كنت في داخلي شقاء بس في البيت كان الاولاد أكثر فمافيه مجال للدلع والشقاوه وكنت أطلع المواهب عند الجيران وفي المدرسه هههههه كل يوم وهم يستدعو امي بس اقنع امي انهم يتبلوا عليه هعهعهعهع 2-هل تتمنى ان تعود طفلا؟ولماذا؟ اتمنى وبقوه لاني تحملت مسؤليه وانا مازلت صغيره ما استمتعت بطفولتي رغم أمي كان تدلعني كثير وابوي شديد دائماً عنده الاولاد معهم حق في أي شي بس البنات لا ممنوع أي شي 3-هل كنت طفلا مدللا؟ امي ترخي وأبوي يشد يعني الدلال كان على حسب مزاج ابوي 4-هل ممرت بصعوبااات خلال فترة طفولتك؟ اصعب شي ومازال مؤثر في نفسي مثل ما ذكرت التفرقه في التعامل بين البنت والولد 5-هل كنت طفلا هادئا ام خجولا ام مشاغبا؟ على حسب الجو اذاكان ابوي موجود مو هادئه وبس الا مالي حس بس لو يطلع ابوي من البيت ماتصدقي انه انا وفي المدرسه كنت مشاااااااااغبه حيل ودائما انا زعيمة الشله 6-اذكر لناااا حادثا مر بك خلال طفولتك ولم تنسااااه للان؟ ههههههههههه مراجن رجعتيني للماضي والله لي فتره ماراجعته مره رحت مكتب أخوي يومها هوفي أخر سنه في الثانويه انسرقت أقلامي قلت أنا أسرق أقلامه وانا في رابع ابتدائي ورحت كان الدرج عالي والامنيوم فتحت الدرج واخذت الاقلام وانا مستعجله وفي الزاويه سحبت يدي بقوه وما أشوف الا الدم ملئ المكان وورحت المستشفى قفلوا الجرح بـ 12 غرزه وانفضحت قدام الكل اني كنت بسرقه ههههههه باقي الجرح لليوم موقف ما أنساه طول عمري 7-اين كنت تقضي معظم وقتك؟ كان فيه مكان مغلق زي الحوش نتجمع فيه الجيران كل عصريه كنا دائما فيه 8-لعبتك المفضلة؟ نط الحبل وبصراحه كل العاب زماااان احبها 9-هل كنت طفلا اجتماعيا ام انطوائي ولا تحب اللعب والمخاااالطة؟ اجتماعيه واحب اللعب ما أهداء الا اذا نمت 10-لديك اصحاب من الطفولة؟وهل بقيت معهم ام باعدتكم الاقدار؟ بقت معي وحده من الابتدائي واربع من الثانوي بس علاقتنا اتصال بحكم اني تزوجت وبعدت عن المنطقه اللي هم فيها 11-هل كنت تحب افلام الكارتون؟وما هو كارتونك المفضل؟ بقوووووووه احب سالي وليدي المقنع الكابتن ماجد و قرانديزر 12-كيف كااانت علاقتك باخوانك واخواتك؟ البنات علاقتي بهم زينه بس الاولاد يعني بس اليوم بعد ما كبرنا علاقتنا أحسن ما يكون الحمدلله الله لايفرقنا 13-ما هو اصعب موقف حدث لك في طفولتك ولم تستطع نسياااانه؟ حادثت السرقه اللي فوق 14-هل هناك انسان معين غرت منه في طفولتك..ولماذا؟ كان وحده زميلتي في الابتدائي بنت معلمه كنت موأغار انقهر من تميز المعلمات لها اذا ما حلت الواجب ما تعاقب والباقي ياويلهم مايحلوا 15-صف لنا موقفك اول يوم دخولك للمدرسة؟ للاسف ما أذكر اول يوم واكرر شكري لكِ أخت مراجن على دعوتك لي ورجعتيني للايام اللي لن تعود ابداً واترك اختيارعضو بعدي لكِ عزيزتي مراجن