[عبدالله النعيمي]

البدع للشاعر/ سعدالمسعودي العتيبي لقصيدته التي مطلعها:

الله مـــن قـلــب (ن) عـــن الـنــاس لاســــج=حــــر(ن) شهـرفـالـجـوا وأخــــلا مـكــانــه

لاهــــوى عـطـيــب ومـخـلـبـه لـلـنـحـرفـج=وثـــــق مـخـالـيـبـه وكــفـــه ضـمــانــه

أودع مـــطـــاره فـالـمـحـانــي أمــــــدرج=لأقـبــل عـلــى الـرحـلـه وصـلـنــي بـيـانــه

تــحــت الـضـلــوع الـيـاخـفـق رجــنـــي رج=رجـــت عـمـايـر بــــوش هــــزت كـيـانــه

مــن كــف بـقـعـاء رمـحـهـا خـجـنـي خـــج=مـنـهـا قـــوي الــبــأس يـنـشــب لـسـانــه

يافـكـرتـي فـالـوقـت مـــن جـيــل أبـوغـنــج=جـيــل (ن) تـــرف والـــزود فـيــه غـنـجـانـه

مـدمــوج طـبـعـه فـالـولـد والـبـنــي دمــــج=مـربــاء خـــراب الـبـيـت ســـاس الـبـطـانـه

الـيـاهـرج لـــك كـــن فـــي داخـلــه بـنــج=عـــن هـرجـتـك تـغـنـيـه عـلـكــت لـبـانــه

يـفــرق بلـبـسـه وإن لـعــب لـعـبـة الـطـنــج=ولـقـبــل تـكــســر مـشـيـتــه بـهـزعـانــه

وقــــت غـنـاديــره لــهـــن فالـبـشـرحـنـج=تقـلـيـد غــنــج الــتــرف فــيــه هـنـفـانـه

دار الــزمــان ولـجـنــي فـالـخـفــاء لـــــج=وأقـفـيــت عــــن دره ولــولـــوه ودانـــــه

شـربـي قــراح و شــرب غـيـري مـــن الـدبــج=وكـــلاً عـلــى العـلـيـاء رفـيــع (ن) بـشـانـه

هـــذا الـزمــان مـــودع(ن) فالـحـشـاء فـلــج=والــلــي محـسـفـنـي عــيـــال الـحـصـانــه

رووس الـرجــال الـلــي لــهــا فـالـزمــن درج=رووس تــعـــزز مـــارضـــت بـالـمـهـانــه

نــاس(ن) مـشــت فـالــدرب وأرقـابـهـا عـنــج=وشــعــيــل يــهــدرمــادرى بـعــوجــانــه

الــــرووس رووس ولامــشـــت درب مــعـــوج=هـــذا زمــــان الــــلاش هــــذا زمــانــه

وأنــا مــن الـدنـيـاء تـــرى مـااتـبـع الـعــرج=وعـنــدي عـلــى مـااقــول حـصــن الأمــانــه

الـــدرب لاسـقــت الــقــدم يـنـبـلـج بــلــج=والـلــي رضـــى الـحـقـران يـرضــى هـوانــه

هـــداج عـــدن لـلــروى يــــروي الــــدرج=يـحـيـي يـبــأس عـــروق كــبــد(ن) لـيـانــه

وكـــلاً عـلــى سـاســه ولـلـنـهـج مـنـهــج=والـلــي عــلــى لــيــلاه يـلـعــب لــدانــه

شـفـي عـلـى الـلــي طـيــب عـــوده لـيـاعـج=عـــن الـكــلا هــرجــه يـكـفــي سـمـانــه

يـزيــد أنـــا ابـوصـيــك لاتــــارد الـهـمــج=وأحـــــذر تـــــردد يــاعـــدو الـجـبـانــه

أجـلــس مجـالـيـس الـوفــاء وأتـــرك الـخـمـج=خـلــك عـلــى عـــزك وصـمـتــك رزانــــه

وأحـذرمــن الــلــي فـالـقـفـاء رمـحـهــا زرج=أرفــــع مـقـامــك عـــــن رداه وطـمــانــه

يالله يـالـمـعـبــود يـاخــالــقــي نـــــــج=نـــج الـدريــك الــلــي طـلـبــك الإعــانــه

واخـتـم كـلامــي عـــد مـــن لـلـحـرم حـــج=وأعــداد مــن طــاف ودعـــاء فـــي سعـيـانـه

وكان ردي عليه :

يقول من جنب عن الناس مهتج
ذيبن تنبى الضلع خلى الطمانة
سرحان مخلابه من الدم مضرج
وصيده من المخلاب يدراسغبانه
منحاز عن شانن من الوقت معتج
شعاف ثور ثم زاد اكتمانه
وقت عسير قالبن كل منهج
ولا عيد وقتن زاد فيه دوهانه
قافك حوى علمن لمن سمعه مرج
قولاً وكيد و ثابتن في بيانه
الجيل روح مخلفن ضاع واندج
واترف على قل السنع والدوانة
والمرجلة بيعت بجنزن امنسج
وشعر قنازع مثل ذيل اظربانه
ياحيف ياجيلن عن العزة استج
واقبل على ترديد دانه لدانه
لفاظ للشيمه وهو مجهامج
مهمل لشرع الله منشي بنانه
لا وفق الله هالشباب المغنج
والله لعنهم قبل ذافي قرانه
من شابه النسوان في مشيه اعوج
قام يتكسر مشيته معوجانه
جاشي كما تنور يلهب توهج
اشعل سويدا القلب صالي الهبانه
هاضه زمان فيه جاهل متوج
قدم على راعي الفهم والامانه
اللي اعتلى من فوق قب تسرج
رايته بيضا طيبن كل شانه
ناس دهلوا من قبلنا خير منهج
على منهج الاسلام خير الديانه
هرج القفامذموم دايم على سمج
وراع النميمه قد عدته الرزانة
لا وفق الله من للافتان روج
والحسد يقتل صاحبه ورفقانه
واللي مشى في درب مايل ومعوج
لا بد ما يجني شرور ا كسبانه
عسا السقام اللي على صحته يلج
عقب المرض يدعيه ما به وثانة
والطيب اللي عودته واري معج
هرجه سمين ومجزل القول زانه
نادر وجوده مثل صارومن افحج
مربى جبل سنجار باعلى عنانه
والمجلس اللي فيه قولن خنا وخمج
ما ينبغى لو زاد در اذهبانه
تبدل من الديران فجن بدل فج
ودارن حوى الانذال شر مكانه
اشكي على الله باسط السهل والمرج
سماه سواها بغير ميلانة
وارجي من الله لي عن النار مخرج
كم تهلك الانسان زلة لسانه

تمت تفضل يا سعد زبدة الهرج

الوقت عن ماضيه بدل كيانه
صلاة ربي كلما اليل يدلج
ومعاقبه فجرن وماج اغلسانه
على الهادي اللي بعث للناس مفرج
دحر ضلة الكفار وربي اعانه

عبدالله المهنا النعيمي