ما دمت ضدي وش بقى عقبكم ضد
وشهو بقى من قوت صيفي لشتواي؟!
قاللي بقى لك شي واقف على الحد
شين يكسر إصبع تعزف الناي
قلت النهار اشلون مع الليل ينعــد
وشلون تخلط مايتي بماية الشاي؟!!
قاللي لعبت ولعبتك صايـرة جد
خربت قدري وجبت لي كل بلواي
قلت البلى أسمع صواعيق هالرد
الغرب تسبقني ونا قبلها جـــــــاي!!
قاللي سبقك اللي على هامته ورد
اللي سندني طول ماني بدنياي
قلت السند ياخوي ماهو على الورد
الورد يذبل ..ماذبل صخر شرواي!!
قاللي تخير وش تبي نوعة الشد
ودك هجر ولى تبي ذبح يمناي؟؟؟؟
قلتله حرامن تهدم السد بالسد
ون كان لازم !!( موتتي أقرب مناي)
مابي أشوفك شوفة العين للند
(أبرك تصير بدنيتي شي منساي)