اشوف الوقت يجمعني ويلملمني بقايا إنسان
تناثر مع جنون الليل وعيا خله يزوره
يسمعني صدى صوتي قسى الإيام و الأحزان ...
وأحسه في ثنايا الروح .. وأشم بداخلي عطوره
ألمم صفحة الماضي .. وأعيش العمر بالكتمان ..
وأعانق دمعتي و أبكي .. وفرحي طارت طيوره
ألا يا وقت يكفيني .. من الحسرة ألم أزمان ..
نذرت العمر لعيونه .. ووقتي يمحي سطوره
تشابك في غفوقي حلم تناثر بيننا عطشان ..
وعيا حلمه يوصلني وحلمي عيا يزوره
تفارقنا انا وياه .. ودمعي للمشاعر صان ..
وبروازه وحيد اليوم .. وحضني ضم هالصورة