السلام عليكم ورحمة الله وبركاته
عساها اتجملني بعد غيبتي عليكم ..؟
ــــــ
الـبـارحـه مـن زود هـمـي تـعـنـيـت = يم البحر مشتاق في شوف الامواج
اتبعت ساقي بالمشي كن مامشيت = وأثر الهذاري بالمشي اتسلي الداج
حاولت افضفض خاطري واستعديت = وكـنـي عـلـي وصل المقفين محتاج
صوتي على الشيلات حزن وتناهيت = ونور القمر بالارض صافي ووهاج
هليت من عـبرات عـيـنـي وهـلـيـت = ابغى السلامه مـيـر مـا حولي افراج
عــلـيـك يـا دمـعـي تـراني تـوازيـت = وازعـجـت قـلبي في ترانيم الازعاج
اخلفت فـي مـمـشـاي لـكـن تـحـديـت = ذيك الظروف اللي بها الصوت لجاج
مـاكـنـي الـى شـيـخ مكسور له صيت = يوم البلاوي عانـقـت روس الاحـراج
ذاك يتـعـومـس بـيـن عـلـه ويـاريـت = وانا اتـعـومـس فوق غبات الاسهاج
اقـفـى لـذيـذ الـنـوم مـن يـوم قـفـيـت = والـداء فـي وصـلـك يـسمونه اعلاج
اتـعــبـت فـكـري ناوي ٍ رجعت البيت = لـكـن وانـا مـدري تـعـديـت الابــراج
اخوكم
بقايا جروووح