اقتباس:
المشاركة الأصلية كتبت بواسطة محمد الغنامي
شيء من ألق ربما يجد في عيونكم تأملا مصافحة من جديد قصيدي وتنهيدة عاثرة كالعادة 
على طلت صباحك من جلال الوصف والتكريم=يخلي كل حرف يصادق أحساسي ووجدانـي
هطولك بالمشاعر يشعل الشاعر ياليـن يهيـم=ولكـن كيـف تبغانـي بكلماتـك وتناسانـي
تركد في مسيرك ياغرامـي ياغـزال الريـم=تراك تسير في قلب المعنـى سيـر عجلانـي
شربتك كيف مدري بس بعروقي كما التسنيـم=وحبك لو تغلغل في شرايينـي علـى لسانـي
من أول كنت أحسب الحب لعبه تقبل التحطيـم=ولكن شفت حبـك كيـف حطمنـي وعنانـي
هطول الغيم لو قالوا يازينك ياهطـول الغيـم=لازلت أقول قسمته على جدبـي ولا أسقانـي
تمهل ياربيع العمـر لا تكثـر مـن التعتيـم=تراك النور لكن ليـش نـورك مـا تجلانـي
على كثر القصيد الي ينال المـدح والتكريـم=وعلى كثر العبير الي تجلـل قلبـك الحانـي
وعلى كثر التوجد والعنا والشـوق والتسليـم=تسافر في سما النسيان كنك حلـم واخطانـي
صراحة لو بقالي بعض روح أحيا بها واقيـم=فوادي معـك ناديتـه وجـا يمـك وخلانـي
عسى الله بس يقبل من صلاتي كلمة التحريـم=إذا كبرت تعـرض لللفكـر كنـك تاحدانـي
احاول مثل بعض الناس قلبي يقبـل التقسيـم=ولكن قال ما ابغى غير خلـي واحـدن ثانـي
توحد فيك واشغلنـي وخلانـي بـلا تنظيـم=مشتت في غرامـك بيـن تامرنـي وتنهانـي
تركد ياغرامي ياغريمي يـوم شفـت الظيـم=وعد للروح قبل تروح وأنت المخطي الجانـي
فديتك من جميع الشر حتـى ضجـة التكليـم=تذكرني قبل مـا تدفـن الأحـزان جثمانـي
|
شاعرنا / محمد الغنامي
أهلا ً بك معنا بعد طول غياب
وصح لسانك على هذه القصيدة الملبدة بالعذوبة
أبيات جزلة ومشاعر مليئة بالشعر
فقط لي ملحوظة على الشطر الثاني من هذا البيت :
هطولك بالمشاعر يشعل الشاعر ياليـن يهيـم
............. ولكـن كيـف تبغانـي بكلماتـك وتناسانـي
فالكلمة الأخيرة من الشطر الثاني (وتناساني) كسرت البيت
ولعلك تقصد (وتنساني) بدون ألف بعد النون الأولى لأن بها يستقيم البيت
شكرا ً لك من الأعماق مرة أخرى
وتقبل فااائق تقديري واحترامي