جيتك وانا كلــي أمل.. ترجعلي بنفـــس القوام
ترجع على نفس الوتـــيرة اللي تجـــمل حالها
مليت صمتك كلما جيـــتك أجدد فــي الغــــــرام
ألقى المشاعر واقفـــة ودْها تشـــــد رحالـــها
وان جيت صوتك لاوله وتالـــيه سديت المسام
هرجك يثــــوّر والمسامـــع تنتخـي سربالـــــها
كلك على بعضك وعد ما غير أشوفه بسْ كلام
ما ادري الفعايل ضايعة ولاّ انت ما ترقى لهــا
ولاّ انت ضايع في الخلا ما بين عام وبين عام
مـرة تكسّر دلـــــتك ومــــرة تجــــي فنجالـــها
ومــــرة تعثر فزعتي ومـــــرة تجيني بانسجام
صايـــر مثل ذيــــك الشموع اللي تذوّب حالها
والمشكلة كلــــي أمل ترجـــع لي بنفس القوام
ترجع مشاعـــــرك القديمة اللي أنا أسعى لهـا