[قديم الشوق]

المشاركة الأصلية كتبت بواسطة سعيدالعمودي

لتواصل معكم بعد غياب ارجو ان تجدو لي العذر

لاتكترث يارفيق صـبـاي فــي حـالي=خل الزمن يغرس انيابه ويدميني
ماشفتني صح! كم لك؟ قاطع وصالي=والهم ياخذ نصيبه وانت ناسيني
من بعد ماكنت يـــاروح الـغـلا غـالي=الـيـوم حـتى الغلا ماعاد يعنيني
ياكــثرماكـنت اسولف لك عن امالي=واقـول خـل الـخطـايا بـينك وبيني
يـامـا سـهرنا نـلّـون بـرجـك العالي=جنوب ذيـك الـمنازل عينك فعيني
تقول قلبي وانـا ادري خافقك خالي=منك القسا يكتب الـعـزله ويمحيني
حبيت والحب فـعله يرفـض اقوالي=لـوقلت عن سر حبك مت في حيني
ياقصة الامس يانـزفي ويا اطـلالي=مـالـلـسـعاده طـريـقٍ لـو تــوديـني
اخلصت والوقت مع جرحي وغربالي=كتب على لوحة احزاني عناويني
اجمل سنيني قضيته وانت في بالي=واليوم مـاعـادبـالـي يـذكـر سنـيني
شفني بـقايا الـم مشتاق تبقـالـي = يااجمل قصيده على صفحه داوويني
وين انت يالحن عمري ضاق موالي=مليت اسدد قروض الجرح من ديني
يااجـمـل محطات شاعـر اول وتـالي =الـيـا متى والجروح بفعل سكيني
برحل قـبـل مـا انكـسـرقـدام عـذالي= بـرثي شعور الوفا قدام ترثيني
ماعاد لي قلب لاتـحـتار في حالي=مادام حـزن الـليـالـي مـنـي وفـيـني

شاعرنا القدير / سعيد العمودي

في ذمتي إنك مبدع وجزل

قصيدة أكثر من رائعة من شاعر عذب ومميز

وأهلا ً بك بعد طول غياب

ومجيئك بهذه القصيدة الجزلة سيشفع لك الغياب حتما ً

ونتمنى التواصل معنا باستمرار

وتقبل فاائق تقديري واحترامي