منتديات منابع الأدبية - عرض مشاركة واحدة

قديم الشوق · 06-02-2010, 10:56 PM

اقتباس:

المشاركة الأصلية كتبت بواسطة شوق البراري

لجل المعالي يبذل الكـــل مجــــــهود = أحدن يصل واحدن يعرقل وصــوله
وخلي الوحيد اللي من الناس مفنود = اللي المعالي تسأل الله تطـــوله
ياحظ عين شافته شــــوفة الكــــــود = وياحظه اللي دايم الدوم حــولـــه
طيب وطيبه يشبهن طيبة العـــــــود = صدره وسيعن دوم لأقصى حموله
لاجيت يمه ضايق الصدر مشــــــدود = تنسى همومك بس من طيب قوله
شهم وكريم وراعي الجود في الجود = متزعم الفزعــــات في كل جـــولـة
في الصف الأول وباخر الصف موجــود = في كل جالن صانع لـه بطولــــــة
ما ينثني به عزم لو صادف ســــــدود = والشوك يزحف كلما شاف زولـــه
ويللي تفكر نشبه بشـــــي محـــدود = صعبن تطوله كـان تبغي تطولــــه

شوق البراري

اسم جميل

وشاعرية فذة

صح لسانك ِ على هذه القصيدة الجزلة والمميزة

وبودي أن أعرف هل هي من نظمك ِ أم من نقلك ؟

ولي ملحوظة بسيطة تتعلق بهذا البيت :

في الصف الأول وباخر الصف موجــود = في كل جالن صانع لـه بطولــــــة

فالشطر الأول فيه ثقل ولو حذفت (الواو) في (وباخر) واصبح البيت بهذا الشكل :

في الصف الأول باخر الصف موجــود = في كل جالن صانع لـه بطولــــــة

لأصبح البيت سلميا ً

أشكرك من الأعماق على الإبداع والإمتاع

وتقبلي فاائق تقديري واحترامي