السلام عليكم ورحمة الله وبركاته
اليكم هذه المتواضعه آملا ان تحوز على رضاكم واستحسانكم
ماعادني بحسين ولا عادني باياي=انسان ثاني شبه ضايع ومفقود
تايه وطن ما اظن مثلي سواياي=مالي مكان ولا لي اسوار وحدود
احترت ماادري وش سبايب خطاياي=رجلي توديني على درب مسدود
قلبي وهو قلبي شكى من حناياي=وعيني شكاها الدمع لاهدابها السود
الهم كنه واحدٍ من رعاياي=كن بيني وبينه مواثيق وعهود
عايش معي في كل ركن بزواياي=في كل صوب القاه حاضر وموجود
احس كنه ساكنٍ في خلاياي=علاقتي واياه من زود في زود
حاولت اداري ماظهر من خفاياي=حتى ولو جسمي بدى ناحل العود
كنت احسب ان طيبي من اكبر مزاياي=لكن عرفت ان طيبتي عيب منقود
وسلامتكم
اخوكم/ حسين النجراني