مرحبا بـ سميتي وصديقتي الغآلية
والله فكره جميــــلة مثل(صاحبتها) بالضبط
وألف شُكر لك ...... ويصلح نحط هذا الموضوع مرجع لنا
والمعذرة على التأخير تو أدخل بس جد ورطة وأنا الطبخ عندي بالمزآج : )
طيب طيب
ماينفع أعطيكم طبخ أختي خخخخخخخ
لالا ..لا تآخذون عني فكرة غلط أنا والله أعرف أطبخ زين بس عندي مشكلة صغيرونه وهي أني إذا طبخت مايهمني إلا شي واحد جودة الطبخة وطعمها وأني أشبع منها وغيره أنساه يعني ما يهمني التصوير والجوال لو يدخل المطبخ كسرته فوق راس الي يجيبة
اممممم طيب طيب بعطيكم أحب الحلويات لـ نفسي وطعمة والله جنااااااااان عني أنا ما أشبع منه أبداً والجميل أن طريقة أعداده سهلة ...... سويته كذا مره ... وأفضل الحلويات هي اللي بدون مشقه ويكون طعمها لذيذ جدا جدا.....
بس تراني مالي دخل موب من تصويري هو من تصوير صاحبته الأولى .. بس والله اني سويته أنا وأخواتي كل فتره وهو أحلى وأطعم حلى عندي حتى الآن ...
تفضلو الطريقة المصورة
المقادير :
1/ حليب نستله..
1 /زبده
2/ بسكويت شاهي
نصف علبه جالكسي السائله
الطريقه:
نطحن البسكوت ويكون ناعم..
ونضيف معاه علبه النستله والزبده بعد ما نذوبها وراح تكون مثل العجينه
ناخذ نصف الخلطه (العجينه) ونفردها على القصدير
ويكون فيه شوي زيت علشان ما تلصق الخلطه بالقصدير
وراح تكون عندك بهذا الشكل
نذوب الجالكسي (نحط الجالكسي بقدر فيه مويه ونخليه على النار لما يذوب)
وناخذ شوي من الجالكسي ونحطه فوق الخلطه اللي فردناها
وخليها تكون مثل الشكل هذا
حطيها بصينيه ودخليها للفريزر
بعد ما يجمد الجالكسي طلعيها ولفيها بهذا الشكل
بعد ما تنتهين من لفها دخليها للفريزر
وطلعيها وقت التقديم وشيلي القصدير عنها
وقطعيها قطع متساويه
والنصف الثاني من العجينه سويه بنفس الطريقه
وقدميها بارده مع القهوه
وهذا شكلها النهائي
وبالهناء والعافية >>> جربوووووووووووووووه بنات والله لذيذ جداً جداً جداً..
ايه لاتنسون القهوة تحبون الهيل كثير ولا مثل أمي تبونه قليل خخخخخخخ
أتمنى تسوونه و يعجبكم وتعلموني ..
كل الموده اللي بقلوب البشر لكمـ أنتمـ وبسـ
أطيب التحايا