في حياتك شخص غيري وأعتقد إنك تحبه
وألا وش معنى هروبك من سؤالي عن غلاي
يكفي لا تهدم بقايا صورتك وتصيغ كذبه
كذبتك فعلا ً جديدة بس ما تنفع معاي
ليه مستغرب كلامي حتى أنا لي ألف رغبة
بس حبك كان قيدي كنت أحبك من عماي
كل شي أصلا ً تغيّر وين قلبي ووين قربه
ذاك الأول كنت أصدّق من ينسيني عناي
أعترف لك وبمرارة كنت في دنياك لعبه
كانت اللعبة مثيرة فاخرة بقلبي ووفاي
آه لو كانت جروحي تحترم في القلب حبه
لو تقدرني طعوني وما تزود لي بلاي
تدري يله عيش وقتك وأفرح بغيري وقلبه
لا يهمك كيف حالي ولا تفكّر في شقاي
أدري أحلامي البسيطة في زمن مليون غربة
مستحيل تكون واقع مهما أسرفت بمناي
الشاعر:
حمد الأسمري
ومع هذا التصميم بعنوان ( بقايا صورتك )..
دمتم بكل الحب ..