[محمد الوايلي]

السلام عليكم ورحمة الله وبركاته
تشرفت بالإنضمام لهذا الصرح الأدبي الشامخ وأتمنى أن أجد منكم ما أأمل وأن تجدونَ مني ما تأملون ..

الغدر

بان الصباح وتفشى النور في يومه =وأسدل ستار الغدر والصبح فضاحي
كنت أتحـــرى توالـــي اللــيـــل وجهومه=لجل أتصل في وليف ٍ(ن) صار ذباحي
ظنيت ما غيري إنس ٍ(ن) يعرف رقومه =وأباهل الناس وأحلف جـِـد ومزاحي
وإن لاح لي زول القمر في عتمة غيومه =أسمع فحيح الغلا بالقلب نياحي
أرجي متى الوقت يمشي وأخذ علومه =وأسترجي النوم لا يلفي على مراحي
صدقت يومه يمش الدمع بكمومه =ويومه يقول إنه بولماي مرتاحي
وأدمنت لاماه ومساحلـّـه وحلومه =وشفته بعين الرضا نوري ومصباحي
يا حسبه الله ومن يمشي على عومه =سلمته الخِرج والخزنه ومفتاحي
كنت أحسب إني سلاه وصفوة همومه =وكنت أحسب إنه ضماد لوابل جراحي
وش جاه مني عسى ماشر وش قومه =يضرب رمــــــاد الغـــــدر للعين كثاحي
ياما خـــــذلني وأنا لـــــرضاه ما ألــومه=وياما خسرت البشر وأعده أرباحي
في حبه الــــــروح مقهـــــوره ومظلومه =كم واحد ٍ(ن) طاح من عيني ولا طاحي
ملامحه في دجى عيني مع وسومه =وين أتوجه وهو بالعين سباحي
يرقد بوسط الحشا مرتاح في نومه =وأنا يمر الشهر في مرقدي صاحي
لاني قدرت أهجره وأنساه وأسومه =ولاهو عن العين وأحداق النظر زاحي

وسلامتكم جميع