نادى الرحيل وسرق دربه خطاوينا
رحنا ورى الحب لين الحب ضيعنا
مدري نسينا الزمن ولا تناسينا
الين عشنا بلا صورة ولا معنى
ارواح تشبه لنا ظلمة ليالينا
على كثر ما حلمنا ما توقعنا
ينسى الزمن كيف كنا يوم حبينا
واليوم ما عاد باقي شي يجمعنا
إلا الوجع والضياع وحزن ماضينا
شكرا لإحساسنا اللي كان يخدعنا
شكرا لوقتـ(ن) خذانا قبل يعطينا
شكرا لعمر(ن) تركنا قبل يسمعنا
شكرا لأيامنا اللي جت توصينا
شكرا لأحلامنا اللي وقفت معنا
شكرا لأحزاننا شكرا لأغانينا
بكت لنا الارض يومنا توادعنا
لأن الارض احضنتنا يوم حبينا