يسعد مساكم
أهديكم جديدي .. عسى أن ينال رضاكم
مع تقديري واحترامي
مديت كفي للوصل ماقصرته=لامانسيت الود لوكنت ناسيه
واللي مضى من عشرتك مانكرته=دام الوفا طبعي فلاني مخليه
في ذمتك تقوى الهجر لو طلبته=ولا أنت قصدك تختبرني بطاريه
إلا الهجر ياصاحبي ماقدرته=الهجر بحرٍ ماترسي موانيه
أرفق على قلبٍ بحبك أسرته=الموت عنده اهون من فراق غاليه
ولاتنسى عهدٍ لك بحبي قطعته=مد الوصل لصاحبك لاتعنيه
وأنسى كلامٍ من عذولي سمعته=والله ماغيرك من الناس أغليه
رمح الفراق اللي بقلبي طعنته=لو تلمسه بيديك طابت محانيه