السلام عليكم ورحمة الله وبركاته...
اسعد الله صباحكم/مسائكم بكل خير
متواضعه للتواصل...
((مدرسة الحياه))
البارحه كني على الناس حارس=اقلب اللي فات في ظلمة الليل
واحاول الترتيب بين الفهارس=يمكن اعدل ماهو اليوم به ميل
ياكم بالدنيا على الارض غارس= غرس ولكن ماحسب دروة السيل
وياكم بالدنيا ...عقب موت فارس=ورثت رخوم القوم...من بعده الخيل
وياكم شرّايين عليهم يمارس=امّن...وخان اللي وضع وزنت الكيل
وياكم شبت نار في برد قارس=طِفَت لواهبها... عن البن والهيل
وكم عاشقٍ خل المشاعر نوارس=ولا لقى شاطي...وثم صاح ياويل
قالو الحياه (ا)من التجارب...مدارس=واليا فهمت الدرس...بتعدل الميل
وانا...بقول العلم عن كل دارس=لو تفهم الدنيا...ترا تتعبك حيل
محمد علي الفتوح