ألا ياضحكة العاشق ؛ ألا يادمعة المحزون=ألا يا من طواه البين بين الهمّ وسنينه !
ثغر يضحك على الدنيا خَذا غصبٍ عليها مزون=وثغر يشكي جفا الدنيا وهي تضحك على ذقونه
غريبة حال هالدنيا : تلوّع ثمّ علينا تمون=تمنينا الفرح لحظة ؛ وتهدي الحزن وطعونه
كسير ٍ بالهوى يعشق .. يدوّر للوصال عيون=خذلـْه الحظ والدنيا ؛ يموت الحلم بعيونه
جريح ٍ كل ما جدّتْ جروحه : قالها بتهون=ذوتْ روحه وهو صابر يبي يعْدِل موازينه !
حسايف من قضى عمره وهو يطرد سراب النون=حسايف كيف حال الوقت ما بيني وما بينه
حسايف كيف تتلاقى خطاوينا بْزمن ملعون=يعتـِّم واثق الخطوة ؛ يصوّبنا بْشياطينه ..!
زمن جاحد ؛ زمن غادر ؛ زمن يا ناس لوْ تدرون=يخلي راقيات الحلمْ : تصير حْلوم مغبونة !
وانا ما هزّ عرش الحب في قلبي سوى المفتون=" ندى اللولو " ولوْ تامر وربي الروح مرهونة
يقول اللي عدل حظه ترى ربح القلوب فنون=واقول انه ربح قلبي ؛ فداه الحب وفنونه
عشيق ٍ كل ما سلهم يبيّـح سدّه المكنون=يدوزن بالحكي وصفه ؛ شفوف الفكر داعينه
أضيع بْلـُجّـة ابـحاره ؛ رهيفٍ للشعر موزون=جليد الشي لو وده : حدر ؛ ويذوب من حينه !
لباك الشوق لك لبى ؛ واخاف مْن الفراق يدُون=واذا طاح الجمل تدري : ترى تكثر سكاكينه
أنا وان قلت ما احتاجك ؛ ترى احتاج الحكي المجنون=يبلل ظاميات الوجد ؛ يرقّ القلب ومتونه
وترى لو قلت ما احتاجك ؛ أبد مالي سند أو عون=باموت ولاطـَرى ذكري سوى هاللحد وكفونه
كفاني يا الخلايق بُعد أبيه ولا أبي مليون=غلا روحه ملا كلي ؛ ملا قلبي وشرايينه
أبيه لـْضحكة العاشق وبامسح دمـعة المحزون=وأبي لا من طواني البين : أموت بْضمّة ايدينه !
إذا أردتم الخروج
فاسألوا البحرَ :
عن باب الطوارئ !