بسم الله الرحمن الرحيم
السلام عليكم ورحمة الله وبركاته
كل عام وأنتم بخير
يشرفني تواجدي هنا , ولكم هذا النص كبطاقة تواصل وحضور أول :
الرسائـل منـه نصـيـه = هب ياذا العيد وش جايه ؟
ليه يرخص ذاك فـي ذيـه = يوم عوّد صوتـه اشفايـه
ليت ماهـو عاقـد النيـه = واحـدٍ للحـال .. بـرايـه
صـب , وجـذوره محليـه = حاملٍ فـاوصافـه الرايـه
معـدمٍ فالغـي .. ذريــه = والرموش السود .. ذرايه !
للكحل , والنظره الحيه= كم علق بيـت .. وروايـه
دونه ايامـي ... رجاويـه = والغلا , والضيقه ... حكايه
ميـر كـن مافيـه ماويـه = ليت ماله فالزعل .. غايـه
يعني الهجـران .. عيديـه = كان صارت , موتي اداويه
هـذي تسـمـى محنـيـه = تأخذك من قلبي .... وشايه
هيض , مدري فوح بريـه = حركت فالكبـد .. كوايـه !
عاد جرحي مكسـب ايديـه = والوفاء مجـرد ادعايـه ..