خليني اسهر مع طيوفك واسامــرها **** حيث ان طيـفك ليـا من مـر يحيينـي
ياكثر ماشتاق لطيوفــك وعابرهــــا ***** لامرت بخاطـري ذكرى محبينــي
بعدك كوى خافقي والحال دامرهــا ***** والشوق يذبح وهـم البعــد يطويـني
نار بجوفي من الفرقــا سعايرهــا ***** تحرق ضلوعي من اللوعه وتشقيني
والعين من غيبــك تنــثر عبايرهــا ***** والقلب يشكي همـــوم ساكنه فينــي
دام المواصل عسر والنفس عاسرها ***** بعد المسافه عن اللي مسكنه عيني
خليني اسلى عن الفرقا وجايــرهــا ***** واسهر لك الليل يمكن طيفك يجيني