هذا نص متواضع اتمنى له القبول
وان يرتقي لذائقتكم
الله علـى الدنيـا ودورات الايـام
................عـزالله انهـا ياعـرب ظالمتنـي
حاولت افرِح خاطري والفرح نـام
...............في حضن دنيا من الفرح يتمتنـي
اضحك وانا كلي هواجيس واوهـام
................والناس في شكل الفرح شايفتنـي
مليت مـن عـد الليالـي والايـام
................صبرت لين من الصبر كـل متنـي
بـس اتسلـى بالتمنـي والاحـلام
...............وان جاتني كلمة قريب احرجتنـي
لفراق همه هـم وعدامـه إعـدام
..................احتـرت بـه وحيرتـي دمرتنـي
مادري وش مخبي لي الغيب قـدام
..................ليـت الليـال بغيبهـا علمتـنـي
اصد وابعد عن صواديف الاعـوام
.................اللـي بحاضـر فعلهـا غيبتـنـي
عشت الزمن باوضاع تبكي له اقوام
.................وابحرت لو ان المتاعـب ولتني
لابـوه حـظ(ن) ماتسنـع ولاقـام
..............تبكيـه عينـن شمسهـا غربتنـي
وسلامتكم
*
*
*