[محمد الضرير]

أحبتي يســعدني مصافحتـكم بقصيـــدتي المتواضعـــة علّهـا تشــفع
لي غيابي الفتـرة الماضيـة ، أرجو أن تنال إعجابكم وتحوز على رضاكم

أنصفيني من عيونك صابني منها سهـوم = إغنمي جرح(ن) مكن بي قبل لا يقضي علي
من نظرتك والبلا بي عيّت عيونـي تنـوم = وسط قلبي منك شي(ن) قام يصلاني صلي
والله اني قبل أعرفك من قوييـن العـزوم = لكن الوضع اختلـف والله يعيـن المبتلـي
طول ليلي بس اهوجس فيك واعدّ النجـوم = والتفاكيـر أوجعتنـي والمدامـع تهملـي
حالتي حالة ولا ينلام عاشـق وامحـروم = كان بك رحمة دخيلك تنقذينـي واعجلـي
قبل لا يتلفني الحرمـان والحسـرة تـدوم = افزعي لي يابعد عمـري علـي لا تبخلـي
التغلّي في مثل هالحال ماعـاد لـه لـزوم = دامني مجبور وانتـي مـا تحبيـن ابدلـي
وش يفيدك لا تعمّدتي عذابـي والهمـوم ؟ = كان ذا ينفعك ؟ زيدي في عذابي واجزلـي
صار طبعك مثل حظي كل ماحـاول يقـوم = طاح ما ودّه يجنّب عـن طبيعـه الاولـي

أخوكم / محمد مبــارك الضرير