[أنثى الحرير]

سـ/ آرحل عن البؤس حينآ. وسـ/ آحكي حكاية جدتي والقطة..<<بآسلوبي وسجيتي العامية ..

أمس كنت عند جدتي ياااه ذكريات جميلة في بيتها يوم كنا صغار.. آآخ ياحلو تلك الآيام.. الله يخليك لنا يآ امي مزنه
بس تراك سويتي حركة مالها داعي يا ام سليمان { مايخليني }لا عاد تسكرين المكيف واحنا نتغدى حركة مدري وش تبي بليز ماما مزنه..

والسبب تقول عشان مايبرد الأكل .. عمر ابوه ما كان حار ولا ننسلخ على أبو حساب .. هـ الاكل

اها جينا للغد وحنا نتغدى قالت { مشفر} اسمي <<ابن الألــم احتمالات الثلاثة هههههه توها تذكر ماحطت الاحتمالات..


ورحي افتحي الباب الخارجي وباب الصالة ؟؟ ليه بس ياجميل انت

قالت {مالتس دخل} طيب سمعا وطاعة..

رحت وفتحت الباب يالله براد الجنه جاني هوى من الحوش بحكم المكيف مسكر اجباري وقصرا ولا احد يتكلم.. بس عاد وش ذاك الهوى سموم وحر بس حرك خصلات شعري وداعبها قلت كما الناس تقول يالله براد الجنان وفوز الرحمان.

المهم عدت الى جحيمي .. عفوا الى .. مكاني وجمرة اتجرعها جراء الجو المزعج واغمز لآبنت خالي .{ قومي افتحيه واعطيك اللي نبين بس ماتهاوشني ولاتدري اني انا} يمال المخلي عيت..

ألا وصوت يقطع الهُدنه اللي بيني وبين بنت خالي.. صوت جدتي سعدة سعده سعدة..

هاه مين سعدة شغاله جديدة عند جدتي.. ولا شفتها..

قلت مين سعدة قالت الحين تعرفين مين واللي عندي يضحكون..

ألا وتجي سعدة.. جعل ماتسعد ايامها ..
وكان السر خلف فتح الباب الخارجي وباب الصالة .. هو منشان سعدة..


ومين تكون سعدة.. هذي.

هي بسة { قطوة} <<لغير الناطقين بلغة البسس

يامام جت تجلس معانا على الطاولة خييير ياناس..
قالت جدتي { أسلوب تهزيء ماله داعي يذكر}

خليها تاكل ..

ياماما جعله مر .. بسه تاكل بالصالة لااااااااا مستحيل.

قامت امي وشالت الصحن حقها وحطته عند الباب .. وجلست سعدة تمضغ الطعام وعينها على باقي مالدينا..


والله ياسعدة توني ادري ليه جدتي ماها خلقنا ولا تشرط لنا وتعطينا حلاو واثاري سعدة وراى ذالك السبب ..

اخ ياسعدة يمدحون الريف الجنوبي لِ تذهبي هناك.. ولتذهبي للجحيم ياخاطفة الجدات..


بس امي مزنه لاعاد تسكرين المكيف الله يخليك..