[العيون الحزينة]

ومضى العمر

وظليت مع عيونك بروحي

ما بقالي من هالعمر

الا ذكراك وعيونك

وقصتى معك وجروحي

وبقايا حنين

ودفتر شوق من الهم انين


ومضى العمر


وظل خاطري منك مكسور

والوله فيني يعبر من سنين

والحزن فيني كسير

وعطش لقياك في الخفوق سكين

وانقضى العمر

وطال الهجر

ونساني الصبر

وما بقالي من وطن حبك غير السفر

والرحيل

والالم بي يعبر في خفوقي كالسكين

تمنيت قبل لا اعبر بحور حبك واهاجر

التفت صوبك واشوفك

تمنيت اروح لمكانك وبيتك

واشوفك ولو لاخر مرة

واروي عيوني من عيونك

ويعاودني ذاك الحنين

وينطفى ما بخفوقي من شجين



تمنيت اني امشي واروح عنك

وينقضي العمر بدون طيفك

لكن تذكرت ان قلبي بك سجين

وانقضى العمر

وراح الفرح معك

ومضى كل شي ثمين

بقيت بروحي مع روحي

بقيت اسولف مع جروحي

واشوفك بين كل دمعة ودمعة

تروي قلبي المسكين

يا متعبني ومكسر هالقلب من الحنين

لي متى بتم تجرحني

وتظل تبقى في الروح الطعين


** آخر البوح **

ومضى العمر

وظليت انا وحدي مع الحزن وروحي الاليمة

سر من اسرار القلوب واللوعة بذاتي حبيسة

اقاوم الدمعة واكتم العبرة بنفسي الشجينة

بقيت عبرة على مر الزمان وجروح دفينة

بقيت بهالزمن قصة كتيمة عنوانها العيون الحزينة