الله يصبحكم ويمسيكم بالخير ياوجيه الخير
صلو على نبينا محمد عليه اصلاة والسلام
والعنو بليس
نفسي من الشعـر ريانـه ومعتبلـه=وانا اتعمـد زيـاد عيـار سكراتـي
ابغى اللذي يستمع لشعر يطرب لـه=ويعيش عمـره يـردد كـل ابياتـي
شاعر يغني طرب والناس ترقب لـه=تبغى تذوق اخر حروفـي وكلماتـي
يلعب مع الجن لين الجن تلعـب لـه=واون منها واجـر احلـى عباراتـي
لعيون من له حروف الشعر منسبلـه=اعشقه واموت دونه بـس بسكاتـي
من غيره اللي له اغني وارتـب لـه=باحلى سواليف همزاتـي وغمزاتـي
اللي له القلب صوب دوم يقرب لـه=الين صارت مـع نفسـي وميزاتـي
معشوقة الروح والعينيـن والطبلـه=واحلى سواليف سالـم وابتساماتـي
قلبي كما الذيب يسبر له ويقنـب لـه=من كل ساقط و*** وقلـب شماتـي
لباسة الطهـر كاالسلسـال والدبلـه=وعادات ابوها مثل طبعي وعاداتـي
من روحها تاتي الحشمه وتنسب لـه=وفي اسمها نار تحرق كل غلطاتـي
واللي له الشمس تشرق له وتغرب له=انه مع الدم يجـزي فـي جزيئاتـي
واللي له ادعي واصلي وجهة القبله=اني له ادعي بركعاتـي وسجداتـي
تخسى حليمه بولند وزينـب وعبلـه=بمقابلة طبعها اللـي يجمـع اشتاتـي
ان كنت كذاب قولو((ينقصر حبلـه))=وجعل القصيده تجي اخـر كتاباتـي
اسمـه يهبـل يجنـن جعلنـي قبلـه=خمسة حروفه تراها كـل رغباتـي
لا لا تـوادع عشيـقٍ زايـدٍ نبـلـه=فوادع الفلسفـه والشعـر وادواتـي
تعال والعب بحالـي لعبـة السبلـه=واحشد جيوش الهوى واكتب بداياتي
واصير طالب بحبك وانتيـي الأبلـه=ووعدك لاجيب لك اعلـى علاماتـي
عيني على شوفتك باالحيـل منهبلـه=احساس صادق رسمته في رواياتـي
يابنـت كبـدي مـن الأيـام مندبلـه=مابين جرح الزمان وفيض عبراتـي
مشتاق لصوت تكفى سمـع الطبلـه=واسكن بقلبي ولا تسـأل ولا تحاتـي
قولو متيم((خبل ويحب لـه خبلـه))=وانا اتعهد بصقـل احلـى خبالااتـي