[مزون المحمد]

القصيدة كاملة كما كتبتها السجينة :

الايالله يا عالم بما اجهرت وما اخفيت = الايالله تفرجها عليه يا مسويها
اناظر للزمن نظرة يتيم ما لقاله بيت = اناظر كل ها العالم عيوني ما تكفيها
الملم فرحتي بيدي وانا من فرحتي شديت = ونفسي يوم مات الفرح حزني جاء يعزيها
هموم ضيقت صدري كثيره يوم انا عديت = لقيت الحزن بأولها واوسطها وتاليها
حزن ما يفارقني معي لانمت او سجيت = كئيب ما يبي غير السهر والنفس يشقيها
دعيت الله يصبرني وانا مما جرى مليت = ونفسي يا اله الكون نفسي من يراعيها
وش اللي صار في الدنيا وش اللي في دنيتي سويت = جاوب ياالحزن ارجوك جاوب قلي وش فيها
الا ياليت الا ياليت الا ياليت الا ياليت = ولاة الامر تا صلهم قصيده يوم ارويها
تمنيت السعاده تعود وانا والله ما ظنيت = سنيني الماضيه ترجع بعيده عن موانيها
تفتت خافقي والله مثلما للصخر تفتيت = دوافير الصدر شبت ولكن من يطفيها
الهي صمت من اجلك الهي لك بعد صليت = الهي يا اله الكون 000 عيوني لا تبكيها
انا منساق لك ركب الذنوب وها انا حسيت = دخيلك يا اله الكون000 عيوني لا تبكيها
( ست سنين) بي مرت وانا والهم والتنهيت = اثنا عشر عيد انا وحدي سجينة دون اهاليها
وامي في نهار العيد تنادي في وسط البيت = وترجع وتذكرني000 دموع العين000 تهميها
نعمت اول سنيني جناب الفهد وافي الصيت = مليك العرب والاسلام وبلادي الي افاديها
وعشت اللين والشده ولو قاسيت ما قاسيت = تهون تهون ما دامت00 حياتي عايشه فيها
وانا لازلت طمعا في سنين وعمر غير ازريت = عسى لي في ذرا عبدالله اياما 000اقضيها
الا يا هل العفو تكفون لا حيه ولاني ميت = الا يا هل الكرم والجود 00 فكو قيد اياديها
ابي درع الحياة ولو نفيتوني00 ورا تكريت = يكفيني سنين سود في سجني مخاويها
الا يالله يا عالم بما اجهرت وما اخفيت = الا يالله تفرجها عليه يا مسويها

اللهم فرّج همها وفك أسرها

دعواتي لها بالصبر والثبات

وأن يعيدها لزوجها وأن يخلف صبرهم خيراً

قصيدة مؤثرة


شكراً أخي خليل


دمت بخير