بشروه اني ابرحل من حياتــــــــــــــــــه
بشروه وفرحو فيني ذويـــــــــــــــــــــــه
كفنو جسمي بماضي ذكرياتــــــــــــــــــه
ادفنوني بالمكان اللي يبيـــــــــــــــــــــــه
واطلبو منه اذا خلص صلاتـــــــــــــــــــه
فوق لحدي يحمله براحة يديـــــــــــــــــــه
ولي وصل قبري وحقق له مناتـــــــــــــــه
يدفن انسان وربي يموت فيـــــــــــــــــــــــه
علموه اني وربي من غلاتــــــــــــــــــــــــه
اعشق تراب مشت رجله عليــــــــــــــــــــه
حلفوه يشد ويقوي ثباتــــــــــــــــــــــــــــــــه
لا ينزل دمع يجرح له عنيـــــــــــــــــــــــــــه
باكر بيندم ويصحى من سباتـــــــــــــــــــــــــه
يحتضن قبري ويبكي يرتجيـــــــــــــــــــــــــــه
يعتذر عن جرحه وظلم سواتــــــــــــــــــــــــه
معترف بالذنب لكن بعد ايــــــــــــــــــــــــــــــه
مايفيد الصوت دام الفوت فاتـــــــــــــــــــــــــه
من خذاه الموت وش له يحتريــــــــــــــــــــــه
الزمن غدار وتطحنا رحاتــــــــــــــــــــــــــــــه
ماصفا حاله على الدايم كذيـــــــــــــــــــــــــــه
يستوي ويقوم ويلملم شتاتــــــــــــــــــــــــــــه
يبقى شامخ صامد صبار ونزيـــــــــــــــــــــــه
اطلبوه يسمي واحد من ذرياتـــــــــــــــــــــــه
باسمي وطيفي مع ولده يجيـــــــــــــــــــــــــه
طمنوه اني مسامحه لذاتــــــــــــــــــــــــــــه
بشروه الله يرضالي عليــــــــــــــــــــــــــــه
وادفنوه بجنبي ان حانت وفاتــــــــــــــــــــه
جنب انسان وربي يموت فيــــــــــــــــــــــه
__________________