[سمــآهر]

أختي كبرياء أنثى ..

للنقد والمناقشة أهل ودراسه وخبرة واتقان ,,

فاقد الشي لا يعطيه ,,

أذا أنا لا املك موهبة النقد والنقاش كيف راح اقدر انقد ما تكتبينه واحلله ,,

وخلينه نكون صريحيين اكثر ,, اغلب مواضيع المنتديات منقوله من منتدى الى منتدى

يعني حتى لو رديتي علي برد حلو فيه نقاش أنا كيف راح اناقشك في شي انا ما كتبته اصلا


ولا لي درايه فيه ,,

هي مجرد معلومه او موضوع عجبني فحبيت تشاركوني فيه ,,
فنزلته في المنتدى

أما بقعد اناقش كل من يرد على موضوعي واحلل له مشاركتي وانا مجرد ناقل للمشاركه ما راح اعطي حتى الموضوع حقه ,,
يعني لازم يكون لي خلفيه عن الموضوع اللي راح انزله ,, شوي صعبه

معك حق في اي شي اكتبه بيدي واخلقه مثل مشاركه ادبيه ,, قصة ,, نثر ,, شعر
معلومه قمت بالبحث عنها والتأكد من صحتها ,,

موضوع انا كتبته راح ابدع في النقاش فيه وراح اكون مستعده
لكل سؤال ولكل إجابة وتحليل ,,

وعشان كذا كل المنتديات فيها اقسام منوعه ,,

لترضي ذائقة الكل

احب المناقشه خليني ابدع في قسم النقاش

احب الامور الدينيه راح ابدع في القسم الاسلامي

احب الاسرة والطبخ وغيره راح اقضي وقتي وابدع في قسم الاسرة

داخله المنتدى ابي العب واغير جو راح اقضي وقتي في القسم الترفيهي

وبصراحه اكثر اللي يدخلون المنتديات تلاقينهم كتاب وشعراء وأدباء
لكن هاربين من الحياة اليوميه
يبون شوي ترفيه وتغيير ينسيهم الروتين القاتل,,
فعذريهم لين اكتفوا بكلمة شكرا ..

وعشان كذا تشوفين اقسام النقاش مو كل من يدخلها ويشارك فيها
.. يبي لها نااااس ذو خبرة ,,

ونتمنى بالنقد البناء اللي يطور من الكاتب وليس النقد اللي يكسر مجاديفه ,,


مجرد رأي من عضوه ارجو انك تتقبلينه برحابة صدر

وانا امووت على النقاااش والنقد بس نقاشي ونقدي مو الكل يتقبله
دايم يفسرونه على هواهم

يعني نقد مجامله يا هلا فيه اما غيره غير مرحب فيه
طبعا مو الكل في اللي يتقبل ويفرح لما توجه له كلمة نقد ,,
ويناقشك في رايك ,,

والبعض لا

فأكتفيت بكلمة شكرا ويعطيك العافية


لك حبي وتحيتي

وشكرا على طرحج الحلو

سمــآهر