هلا فيكم..
هذا موضوع عن موقفين كتبته قبل فتره طويله شوي ..
اتمنى يعجبكم ..
مرحبا...باقول لكم هالموقفين اللي صاروا لي..
واحد منهم الله يسلمكم بالرياض ... والثاني بالقاهره ...
مره كنا طالعين بمنطقه ملياااانه ناس وبشر ..في الرياض ..
فمر بجنبنا حق الخيول .. واتحدوني اهلي اركب خيل.. قلت ولايهمكم انا فارس من فرسان هذا العصر .. لكن بلا جواد...
عاد وانا اناديه .. وبيني وبينكم تأكدت ان الحصان من اللي تمشي بس بدون ركض ... تعرفون .. اول مره وماله داعي الاحراج قدام الاهل ...ركبت الحصان ... وقال تبغاني امشي معك... قلت له لا .. عيب عليك .. انا خيال ... المهم مشيت وكان الحصان اقرب مايكون حمار .. ومريض وبطيء جدا بشكل مزعج ... انا مشيت شوي .. وفجأه الحصان لف لفه غريبه واتجه لجلسات احدى العوايل ... وكانوا مجموعة بنات جالسات ... ودخل بينهن ..ووقف قدام وحده منهن ... البنات مستغربات ايش هذا اللي دخل بينهم .. يحسبوني متعمد .. انا انحرجت .. ومدري اضحك والا ابكي.. وضربت الحصان ابيه يتحرك ويمشي ... وهو ولا كأنه هنا... وضربته ضربته ... وهو رافض يتحرك ... عاد قالت وحده .. المكان الفاضي برا تركته كله ... ومالقيت تجي الا هنا .. قلت والله العظيم هو اللي جابني هنا.. ومو راضي يتحرك ... عادانقذني ولد عمي الصغير شاف الموقف وجا .. وسحب الحصان سحبا اليما... والحصان مو راضي يتحرك .. وضربه ليما تحرك واول ماابعدت عن البنات نزلت من الحصان ... ركضت اسابق الريح وتركت الحصان ورحت جلست عند اهلي ...ومسوي نفسي فارس الفرسان ...
وموقف ثاني صار لي برضه بالخيول ( بصفتي فارس يعني ).. في منطقة الاهرامات ... اصبح كنا طالعين وكالعاده انا اختار الحصان اللي يمشي ولايركض ... واخذت حصان .. وماشين مجموعه كبيره جدا مع بعض ... شوي والا الحصان اللي معي يوم قام يتننافض ... وقاعد يطامر .... وانا من الخوف فكيت اللجام ومسكته برقبته ... وبدى يمشي بطريقه جنونيه .. وفرق الناس اللي كانوا بجنبي كلهم ... وكانوا خايفين علي لااطيح من الحصان المجنون ... وانا متمسك برقبته ... وشاءت ارادة الله .. اني مااطيح منه والا كان رحت في خبر كان ... انقذت الموقف احدى الاخوات الخليجيات الفارسات .. جزاها الله خير .. وكانت تتدرب بشكل يومي بمنطقة الاهرام ... لحقتي الحصان ... ومسكته لين وقف ونزلتني ... ومن الفرحه اني نزلت حي وسليم ... رجعت لمكان سيارتنا على رجلي .. ورفضت اركب أي حصان ... عاد عرفت السبب اللي خلى الحصان يهيج بالشكل هذا ... انه شاف جثة حصان كانت مرميه على جانب الطريق ... واثارته كثير ... والحمدلله على السلامه ..
وبسسسسسسس هذا كل اللي عندي ..
يسلمووووووووووو ...
بس تراني خيال وفارس لايشق له غبار رغم كل ماحصل...
تحياتي..
فارس بلاجواد/ البرواز المكسور..