كل ماغبت عنــي زاد فينــي شقاي
واصبح الكون كله في عيوني حزين
ياعيون المشقــى فـــي غيابـك عنـــاي
عشرة ايام في عيني عددها سنــين
في غيابك كسا حزني وهمــي سمــاي
واستقر بحشا خلك عذاب دفــــين
السعــاده جـفتنـــي والهنـــا يامـــناي
فارق الخافق اللي زاد فيه الحنين
طال صبري وطول في غيابك رجاي
والعنا طال والفرقى تبيح الكنــــين
سامح الله وقتــي يوم قصــــر معــاي
وسامــح الله قلب مااــله الا الأنـــين
عذبونــي وزادو في عنــاي وشقـــاي
واصبح الكون كله في عيوني حزين