[الفتى الراقي]

السلآم عليكم ..

في أول إطلاله لي من خلال نوافذ هذآ الصرح الشامخ

أحببت أن أشاركم ببوح نزفت بهـ وأتمنى أن يروق لكم ..

ضاعت علومي وضاقت فيني أحوالـي=واصبحت افسر علومي فيك وأحلامـك
يـازيـن مـنـت بـمـلاحـظ شـي يالغـالي=أخـس يــوم بــحـيـاتي أسـعــد أيـامـك
انــا لـوحـدي أهــل دمــوعـي لحــالـي=وانـت بجـمـالــك مـغـطي كـل عذآلــك
مع اخـتـلاف الطـريـقـه صآر ترحـالي=يـشـبـه طـريـقة بعــادي يــم غربالــك
يا قـو صبري على بعـدك وأنا فالـــي=جـمع جـنـوني وحـطـه تـحت همّــالك
حتى عـيـوني أنا ما اظـن تـبـقى لــي=من كثر ما اهدر مدامع شوقي لـدألـك
الحزن موطن لــراحـة كـف تمثـــالي=لا .. أقصد الحزن متربي مـع أمثالـك
دفـتـر هـمومي وسـاعـاتي وجـوالـي=والــدفـتـر اللي رسمـنـا فيه تـرحالك
تبكي وترجيني بـ مطلاعي ومنزالـي=تـقـول أرجـوك راجـع ردة أفـعــالــك
ياضيقة الوقت روحي بالسما عآلـي=وقولي بصوتك توقعت القـدر شآلـك
طعـم السعـاده لـو انــه مــا تعنآلــي=ما كنت شفتك ولا شاهدت أمثــالــك

ملاحظه : البيت الأخير .. كان هكذآ

(( متـى المقابر ترحب بـي وانا غالــي
والموت يـاخـذ حيـاتـي لـو تعـنّـالـك ))


ولكن بعد نصيحه من شخص غآلي
بأن هذآ البيت لا ينبغي ان أقوله ..
ولابد أن أتفائل بالخير دائما
قررت أن أغيرهـ ..


مع تحياتي لكم ..

أخوكم / الفتى الرآقــــــــــي .. :)