الليل والاحزان والهم والضيق=وأوجاع عمري وانتفاضة سنيني
جوني شيوخٍ كلبوهم مطاليق=اللي سكن بالقلب واللي بعيني
أطيبهم اللي تل اقصا المعاليق=وأكرمهم اللي جر خافي ونيني
اصد عنهم وابلع الريق بالريق=واصرخ بصمت الحزن ياحزن ويني
واغيب في حلم المتاهات وافيق=واهمس بدون شعور بيني وبيني
وأسلي جروحي بلحن وطواريق=واضحك وانا حزن الدهر مبتليني
ياطويق طوّقت المعاليق تطويق=عزك طواني لين بيّح كنيني
حرّقت خافي مهجة البوح تحريق=وايْبست غصن الشوق يامحتويني
مبطي وانا قدري بروس الشواهيق=ماطمنه لوعة فراق وحنيني
عهدن على قلبٍ يحفظ المواثيق=راسه عزيز وبالمعزه رهيني
ان ما لفاني الحلم والا فلا اويق=انهيت مشواري ووفّيت ديني
أتمنى أن تنال رضاكم
و
ج
د