[محمد الفرحان]

فكرت اعلق صورك ومالت الفيّه على جدار=وتخاصمت ياحبيبي كل جدراني عليها
قلت اكسب احلام غرفه باختياري واخسر الدار=ويكفي الداريارجواي بوح صورْك فيها
وازهرف الاسمنت حوذانة غرام وفز نوّار=عقب ارتجف سقفها واركونها منها واليها
كن الصور ياحبيبي كلمةٍ ف شفاه ثرثار=اوكنها لاقريت الوانها وخطوط ايديها
لهفة شراره تشظت ف انفجارالطيف والنار=في عتمةٍٍ لوسرت عنها الليالي تحتريها
يفنى الدجى والفصول الاربعه وتجف الانهار=ويبقى الندى في ورقها وفي ثيابٍ ترتديها
في صورتين ابتسامتك يمين وعينك يسار=كأن اشافيك تكذب كذبةٍ لي وافتريها
فيها سنينك خمايل ياسمينك والجلنّار=ياللي فداياك عمري وامنياتي لو تبيها
وعيونك اللي تكحّل بالدجى وتقول الاشعار=الله يخلي هدبها لي ويرحم والديها
واحة نخل حولها كن السراب بحوروسوار=من دونها ضيعة العاشق لو انه مهتديها
وف صورةٍ مثل حبس الما بكف وحرث الاوتار=اللي تشدك لها من وين ماعينك تجيها
سميتها الدايره للي يبي يتعب ويحتار=اوكنها سالفه من منتهاها تبتديها

العزيز والغالي

عبدالرحمن القاضي

.

.

كل الشكر لك على هذا الإختيار

المميز للشاعر العالم نايف صقر

والذي يدل على ذائقتك الشعريه

الراقيه . .

.

.

لاعدمنا تواجدك

.

.

تقبل فائق تقديري واحترامي