[خليف الوهيداني]

الشعر الك ياكامل الزين ينسـاق = ازهم عليه وياتـي الشعـر كلـه
وانت المدير وكان به سطر مالاق = راجع مواضيعـه بنفسـك وقلـه
منين اببدأ فيك يامدمـج السـاق = اخاف لانسا فيك وصف(ن)وزلـه
ان قلت جسمك ناعم العود ورقاق = ولاهو ضعيف ولاالمتـن ظايملـه
والصدر بارزوالوسط حلو ودقاق = والردف نابي والجدايـل غطلـه
والعين عين اللي مثبت بمسبـاق = حر(ن)كفـخ ومثبت(ن)ماكـرلـه
والخد شمس(ن)توها عند الاشراق = شمس(ن)على كل الاوادم مطلـه
وبيض الثنايا كنها لمـع بـراق = والخشم سيف(ن)قايد القوم سلـه
لاشافه اللي للهواء قبـل مـاذاق = لوهو على اخر عمر قلبـه يتلـه
لوراح من عنده رجع جبر مشتاق = قلبـه يحـن وشوفتـه منوتلـه
يمشي منه من سكرة الحب مافاق = وحتى طريقـه يختلـف مايدلـه
ماهو بساحر بس للقلـب سـراق = اقـو قلـب بنظرتـه يستحـلـه
انا اشهد انه يغرق العاشق اغراق = في بسمته وليـا رفـع ناظرلـه