من حر مابي غزر دمعي وضاع الكــــــــلام
دوب أنطق: (ياليت للإيام فرصة رجـــــوع)
وأبقى على قرب من عايشت معها الغـــــرام
لو ساعةً من بقايا شتات عمـــــرٍ جــــــزوع
من شفتها أتســــــــــاءل في غرابة هيـــــــام
بدون إجابه يكون لها خفوقي قنـــــــــــــــوع
ياهل ترى الشمس تنجب؟! أم للانوار خام ؟!
أم هل للانوار أصل وكلهم له فـــــــــروع ؟!
أم هل ترى حور مقصورات وسط الخيـــــام
لهن ملكة جمال تفوقهن بالسطـــــــــــوع ؟!
أم هل في الأرض برق يشق جنح الظـــــلام
يبدأ من الأرض ثمن يستمر بالطلــــــــــوع
مارافقه لا رعود ولا سحابٌ ركــــــــــــــام
بل رافقه ضحكةً في صوت دوب امسمــوع
إن أقبلت حسنها يبهر عقول الأنــــــــــــــام
وإذا هي أتبسمت تشخص عيون الجمـــــوع
هذي بعض من بعض أوصافها بشكل عــام
أضف لها خفةً بالدم وحسن الطبـــــــــــوع
يا عاذليني حشا ماني ابهواها مــــــــــــلام
حتى ولو أنحني لمقامها في خضــــــــــوع
لو شافها راهبٌ صلى لربه وصــــــــــــام
لغادر الصومعه بالحال ونسي يســـــــــوع
ولو سمع صوتها شيخٌ يصلي القيـــــــــــام
لخر ساجد قبل تكبيرته للركــــــــــــــــوع
مابالكم بي وأنا عايشت معها الغــــــــــرام
واحتلت القلب غصب ورغم أنف الضلوع
وشلون مأذرف دموع موادع أرض الوئام
إلا وربي إنها تستاهل أغلى الدمــــــــــوع