[نديم الليل]

لا ضاق صدر وسيع و ضاقت الحيلة = ولا طل فجر مريع و صالت جروحه
ولا طال هجر فضيع و طالت الليلة = و لا سال حبر يضيع الحرف من بوحه
عزت دموع الحزن تنزل و تجري له = وقصرت خطاوي الوصل من جيه وروحه
وصدت ليالي الفرح و أقفت مخاييله = لو سمعت أصوات تزهم بس مبحوحه
من بعدها أيقنت بان الحظ في ميله = مايل ولا يعتدل من عثره لطيحه
ماكل حاجه بغاها ابن آدم تجي له = الا اذا راد ربي جات ممنوحه
وما كل محزون يبل الدمع منديله = لكنها في سواد العين مفضوحه

وسلامتكم
نديم الليل