[قديم الشوق]

المشاركة الأصلية كتبت بواسطة محمد الضرير

إخواني وأخواتي في منتـدانا الغالي بمناسبة حلول عيدالإضحى المبارك
يسرني معــايدتكم بهذه القصيـــدة المتواضعـة أرجـو أن تنـــال إعجـابكم
وتحـوز على رضــاكم .. وكل عام وأنتــم بخيــر ......

لو ان قلبك حسّ بـي وافتكرنـي = ما طاوعك تغلي علي حبّة العيـد
وش غيرك ياللي جمالك سحرني ؟ = حتى سلام العيد سـار ابمواعيـد !
ما هقوتي تخطي علي وتهجرنـي = ولاّّّ تصدّق بـي كـلام المقاريـد
لو شفت دمع العين كان تعذرنـي = كنّي فطيم(ن) حارمينه من الدّيـد
شف حالتي يشفق علي من نظرني = عقب اللقاء سرنا من بعيد لبعيـد
إمنول(ن) لا بطيت انا قلت زرنـي = واليوم تتركني بهـم(ن) وتنكيـد
إرحم رحمك اللي بحبّـك امرنـي = لا ينهدم حبّك على غيـر ماريـد

أخـوكم / محمد مبـارك الضرير

الغالي / ابو مبارك

ياهلا بك والله

وصح لسانك مدد بلا عدد

قصيدة فيها من الإحساس والعتب والحب الشي الكثير

وأبيات مليئة بالشعر الحقيقي

وهذا ليس بغريب على شاعر بحجم / محمد الضرير

لا تحرمنا من جديدك يا ابومبارك فنحن في أشد الشوق لمعانقته

وتقبل فائق احترامي وتقديري