مدخـل ..!؟
دآآآآيم .. أقول اني تركت الكتابه=بس انت تجبرني على الشعر .. واكتبه !
،
،
،
مساءك عطر يتشتت على صدر الزمان الشين=مساءك شعر يتجمع على سحرك ويكتبني
تعالي .. والمسا دارٍ من الليله تضم اثنين=تعالي .. والسما نارٍ لاجل لقياك تشعلني
لقيتك من بعد ظلم الليالي .. والسنين سنين=لقيتك من بعد حلم الثواني .. معك تنصفني
تحفوي بي وانا عندك .. تحفوت بك عيوني لين=تمسيتي وسط عيني .. وتغطيتي تحت جفني
أحبيني .. كما احبك .. أحبيني .. لـ / يوم الدين=أحبيني .. كما حبّك .. عن العشاق يرفعني
أحبك .. من بدى وقتك .. يرجعني مع الحيّين=لأني دونك فـ / عالم .. سمح للحزن يقبرني
أحبك .. من غدى صدقك .. يبعّدني عن المخطين=لأني دونك فـ / عالم .. يعمّه كذب يقهرني
أحبك .. من حدى صوتك .. صدى صوت الأسى والبين=لأني دونك فـ / عالم .. يضجّ بخوف يأسرني
أحبك .. من هدى قلبك .. شعوري لـ / زهرة النسرين=لأني دونك فـ / غربة أحاسيسٍ تضيّعني
احبك .. واسمعي قلبي يردّدلك .. يقول : آآآمين=عسى حبّك يجمّعني على قلبك .. ويكتبني
،
،
،
مـخـرج ..!
[ آخر نهاية ] لـ / الحزن .. من عرفتك=نسيت شي اسمه : هموم وكآبه