عودة بعد غربه
يــا هــيــف
ياهيف مريت قبره وإدمعت عيني = كني سمعته يهليبي وبكاني
لاضاق بالي أزور اللي يواسيني = وكني أحس القبور تقول حياني
أجيه قصدي أسدد شئ من ديني = وأثري أزيد الحمل ماأوفيت دياني
من يوم شفت الكفن لليوم مشقيني = ياهيف فقد الأبو جرحٍ تبلاني
ياليتني مت قبل إنه يخليني = الله وأكبر ذبحني يوم خلاني
ياهيف شفني رجل عدت ثلاثيني = كلمة يبه لو نطقها طفلٍ أشقاني
كن اليتم ماعرف غيري مناحيني = من يوم أنا جاهلٍ شيبت لإخواني
ولو البشر عارفه قدر الحزن فيني = ماكان بالشعر تذكر كلمة ( أحزاني )