[محمد الضرير]

أحبتي منســوبي وزوّار منتــدانا الغــالي يســرني أن أصافحـكم بإحـدى قصائـدي آملاً أن
تنــال إعجابكم وتحـوزعلى رضاكم ، وأن أكـون قـد وفقت في حسـن الإختيار .. وهي :

ألا ياحياة الروح يـا سلوتـي ومنـاي = علامك تغيّرتي على يابعـد روحـي ؟
وانا خابرك لا غبت عشتي على ذكراي = وياما بكيتي كل مـا جيـت اباروحـي
بصدق المشاعر والوفاء تشترين ارضاي = وصنتي غلاي برغبة(ن) منك وانصوحي
هويتك وسكّنتك بوسـط الحشـا جـوّاي = ملكتي بحبّك خافـق(ن) فيـك مايوحـي
وفجـأه نسيتينـي ولا همّتـك دنـيـاي = تركتيني ابكي واسهـر الليـل وآنوحـي
علامك فديتك يالغضي ترتضي بلواي ؟ = تسلاّ بتعذيبي علـى غيـر مصلوحـي
حرام القطيعة منـك يـا علّتـي وادواي = خف الله ولدّ لي النظر خفّف جروحـي

أخــوكم / محمد مبــارك الضرير