[قديم الشوق]

المشاركة الأصلية كتبت بواسطة هاااوي

اول مشاركة شعرية في هذا المنتدى الراقي بصاحبه واصحابه
من الدفاتر القديمة واشلاء اوراقي المبعثرة عثرت على هذه القصيدة فاحببت ان اصافحكم بها

ارجو ان تحوز على رضاكم واستحسانكم ...

اطالع سما حظي واشوف السحاب الوان=سحاب الهموم الي تلتني مصايبها
مطرها دموع العين هلت على الاوجان = وترسل صواعقها وهبت هبيايبها
رمتني دروب الضيق في فيضة الاحزان = بغيت الهرب مير انشبت بي نشايبها
سبايب هوى الي بالوفا ترجح الميزان = هجرت الكرى في مرقدي من سبايبها
وانا قبل لا اعرفها وانا فارس الفرسان = ولا ارضى بديل للصحيحة بعايبها
هواها مشا بي طوع معها بغير عنان = اتابع خطاها واتذكر عجايبها
لكن الله المعبود ربي عظيم الشان = عليم بمطلاع النجوم ومغايبها
يكافي من الدنيا ومن دورة الازمان = ويلطف بضعف الناس مخطي وصايبها

ياهلا والله وياغلا بـ هاااوي

أقسم بالله إنك مبدع

قصيدة جزلة وأنيقة ومليئة بالعذوبة والجمال

من شاعر عذب وجزل ومتمكن

بس إذا هالقصيدة الشامخة من دفاترك القديمة

أجل وش بيكون في دفاترك الجديدة :)

صح لسانك طال عمرك

ولا تحرمنا من هالإبداع

فأنت شاعر حقيقي وشهادتي فيك مجروحة

ونحن في أشد الشوق لجديدك المبهج

وتقبل فائق احترامي وصادق إعجابي