من طاري الشوق قلبي باح مكنونـه=والعين تذرف عزيز الدمع شفقـانه
احاول اكمى جروح القلب وطعونه =ماودي الناس تعرف سبة احزانه
قلبي كواه النوى والحب وشجونه = يشكي عذاب الوله من عقب خلانه
من عقب غيبة حبيبي كاحل عيونه = والشوق يذبح خفوق زادت اشجانه
كل الجـوارح مع الخفـاق مغـبونه = من بعده العين تقضي الليل سهرانه
حبه سكن ضامري واصبحت مفتونه = بيته بوسـط الحنايا شيــد اركــانه
ياناس تكــفون قلبـي لاتعـذلونــه = الحب من عند رب الكـون سبحــانه
مايسمــع القلـب فيها لو تعـذلونـه = حبــه بقلبــي عليـه اغلقــت بيبانـه
يامــن يبشر خفـوق باح مكنــونه = في رجعة اللي عليه العيـن شفقانه