أنا يا ابن الحلال أصعب حكايه
كتبني الوقت .. لكن ما قراني
مضى عمري و تقدر تعتبرني
غريب .. و في زمن ماهو زماني
زماني راح مع نصفي .. و نصفي
نسى نفسه مع الوقت و نساني
أسافر حزن .. و الصحبه ثلاثه
أنا .. و الصبر .. و سهيل اليماني
و اذا مريت في بلاد الطفوله
فتحت الصدر للحزن و طواني
هنا .. دمعه جرت من عين جاهل
هنا .. لاقيت همي و التقاني
هنا .. باعتني الديره و أهلها
هنا .. ضحيت لفلان و جفاني
هنا .. حاولت أصيح و ما سمعني
سوى بعض الشوارع و المباني
انـــــا يا سيدي .. دقه قديمه
بغيت أخذ من الوقت .. و خذاني
على الأنقاض واقف دون حيله
أشوفك وجهتي بين المواني
اخذت بعض منها... لعبدالله الذويبان