عن نفسي صراحة من عشّاق الماضي .. يعني أحب أحتفظ بأشياء كثيره
أشياء تربطني بــ فترات وأيام جميله
تربطني بــ أشخاص غابوا عن حياتي اللي منهم أنتقل إلى رحمة الله
واللي حال بيني وبينهم سفر وهجره وبُعد
لكل الأمور هذي أحب أحتفظ بذكرى منهم
عندي ( قلم ) له الآن أكثر من 16 سنه
لإنه يخص شخص غالي على قلبي - الله يرحمه -
عندي بطاقة زواج وحده من صديقاتي
وللأسف ماتم الزواج لإنها أنتقلت إلى رحمة الله
في حادث سياره قبل الزواج بأسبوع
عندي غلاف أحد الكتب المدرسيه أيام الثانوي
وفيه بعض الكلمات والعبارات اللي أشتركوا فيها
جميع طالبات الفصل بكلمات جميله وتعليقات أجمل
ورقه في أوتوجرافي كاتب فيها أخوي - الله يرحمه -
الآن بنته تقول أطلبي اللي تبغين بس أعطيني الورقه هذي
بس ولا حتى في الحلم راح أعطيها
يبقى الأغلى والأثمن هو كل شيء يتعلّق بــ تاج راسي وحبيب قلبي ( أبوي ) الله يرحمه
أحتفظ ببعض بطاقاته أيام عمله في العسكريه .. وبطاقات المستشفى
و سبحته ودهن العود اللي كان يستعلمه
يوووووووووووه لو أجلس أحكي عن كل اللي عندي صدقوني ماراح أنتهي
يعطيك العافيه طفلة القمر ... وعذراً على الإطاله :nf[1]: